အလုပ်၏ရည်ရွယ်ချက်
- ရိုးမဘဏ်၏ Hire Purchase ချေးငွေဆိုင်ရာ Report များကိုအချိန်မှီပြုလုပ်ပြင်ဆင်ပြီးသက်ဆိုင်ရာဌာနများသို့ပေးပို့ပေးခြင်းနှင့် Hire Purchase ချေးငွေဆိုင်ရာအချက်အလက်များမှန်ကန်မှုရှိ/မရှိစစ်ဆေးသုံးသပ်ခြင်း။

အလုပ်၏အဓိကတာဝန်များ
- Hire Purchase ချေးငွေနှင့်သက်ဆိုင်သော Report များကိုနေ့စဉ်၊ အပတ်စဉ်၊ လစဉ် အချိန်မှီပြုလုပ်ပြင်ဆင်ပြီးအထက်အရာရှိနှင့် သက်ဆိုင်ရာဌာနများသို့ ပေးပို့ပေးခြင်း။
- ရိုးမဘဏ်သို့ လျှောက်ထားလာသော Hire Purchase ချေးငွေလျှောက်လွှာများသည် သတ်မှတ်ထားသည့် လုပ်ငန်းစဉ်များနှင့်အညီဆောင်ရွက်နေခြင်းရှိ/မရှိနှင့်အချက်အလက်များမှန်ကန်ခြင်းရှိ/မရှိကိုစစ်ဆေးသုံးသပ်ခြင်း။
- ချေးငွေလျှောက်ထားသူ၏ လျှောက်လွှာ၊ ကိုယ်ရေးအချက်အလက်၊ အရောင်းပြေစာ၊ ဝယ်ယူသည့်ပစ္စည်း၏ ဓါတ်ပုံနှင့်အချက်အလက်၊ အာမခံပြေစာနှင့်အခြားလိုအပ်သောစာရွက်စာတမ်းများကိုသေချာစွာစိစစ်သုံးသပ်ပြီးကွဲလွဲချက်၊ လိုအပ်ချက်များရှိပါကသက်ဆိုင်ရာဘဏ်ခွဲ/ဌာနများနှင့် ဆက်သွယ်ဆောင်ရွက်ခြင်း။
- ဘဏ်၏ချေးငွေမူဝါဒ၊ ချေးငွေလုပ်ထုံးလုပ်နည်းများ၊ ဗဟိုဘဏ်၏ ဥပဒေ၊ နည်းဥပဒေနှင့် ညွှန်ကြားချက်များကိုသဘောပေါက် နားလည်ပြီးလက်တွေ့အကောင်အထည်ဖော် ပါဝင်ဆောင်ရွက်ခြင်း။
- ဌာနတွင်းသက်ဆိုင်ရာအဖွဲ့များမှ ရရှိလာသောသီတင်းအချက်အလက်များကိုစိစစ်သုံးသပ်ရာတွင် ပူးပေါင်းဆောင်ရွက်ခြင်း၊ ကွဲလွဲချက်များ/လိုအပ်ချက်များရှိပါကအချိန်နှင့်တစ်ပြေးညီဆောင်ရွက်ခြင်း။
- ရိုးမဘဏ်၏ တိုးတက်ပြောင်းလဲမှုများအတွက် တက်ကြွစွာပါဝင်ပြီးဌာနအတွင်းအသင်းအဖွဲ့စိတ်ဓါတ်ဖြင့် ပူးပေါင်းလုပ်ဆောင်နိုင်သူဖြစ်ရမည်။
- အခါအားလျော်စွာအဖွဲ့ခေါင်းဆောင်၊ ဒု-တာဝန်ခံ၊ ဌာနတာဝန်ခံနှင့် မန်နေဂျာမှ ပေးအပ်သောတာဝန်များကိုဆောင်ရွက်ပေးခြင်း။

လိုအပ်သောအသိပညာနှင့် ကျွမ်းကျင်မှုများ
(က) လူအများနှင့်ပေါင်းသင်းဆက်ဆံမှုကောင်းမွန်ပြီးဘဏ်ခွဲများ၊ ရုံးတွင်းရှိအခြားဌာနများနှင့် ဆက်သွယ်ဆောင်ရွက်ရာတွင် အဆင်ပြေစွာပြောဆိုဆက်ဆံနိုင်ရမည်။
(ခ) လုပ်ငန်းတာဝန်များအားအချိန်မှီပြီးစီးနိုင်ရမည်။
(ဂ) လုပ်ငန်းများကိုအသေးစိတ်ဂရုပြုပြီးတာဝန်ယူနိုင်ရမည်။
(ဃ) စာအရေးအသားနှင့် စကားပြောကောင်းမွန်ရမည်။
(င) အဖွဲ့အစည်းနှင့် ကောင်းမွန်စွာအလုပ်လုပ်နိုင်၍ အချိန်နှင့် တပြေးညီစီမံခန့်ခွဲမှုကောင်းရမည်။
(စ) အရေးကြီးသော၊ အဓိကဖြစ်သောလုပ်ငန်းတာဝန်များအားသိရှိနားလည် ရမည်။

လိုအပ်သောပညာအရည်အချင်း
(က)တက္ကသိုလ်တစ်ခုခုမှ ဘွဲ့ရထားသူဖြစ်ရမည်။
(ခ) Computer ကျွမ်းကျွမ်းကျင်ကျင်အသုံးပြုတတ်ပြီးAdvanced Microsoft Office (Word, Excel, PowerPoint) နှင့် E-mail များလည်းတတ်ကျွမ်းရမည်။ မြန်မာစာနှင့်အင်္ဂလိပ်စာကျွမ်းကျင်စွာရိုက်နိုင်ရမည်။

လိုအပ်သောလုပ်ငန်းအတွေ့အကြုံ
(က) Reporting and analysis အတွေ့အကြုံအနည်းဆုံး (၁) နှစ်ရှိရမည်။
(ခ ) ဘဏ်လုပ်ငန်းအတွေ့အကြုံရှိသူဦးစားပေးမည်။

လိုအပ်သောဘာသာစကား
(က)မြန်မာဘာသာစကားကျွမ်းကျင်ရမည်။
(ခ )အင်္ဂလိပ်စာတတ်ကျွမ်းသူဦးစားပေးမည်။

*ဆန်ခါတင်စာရင်းတွင် ပါဝင်သူများကိုသာ အင်တာဗျူးအတွက် ဆက်သွယ်မည်ဖြစ်ပါသည်။*