အလုပ်၏ ရည်ရွယ်ချက်
ရိုးမဘဏ်၏ ချေးငွေဆိုင်ရာ အချက်အလက်များ မှန်ကန်မှု ရှိ၊မရှိ စီမံခန့်ခွဲ သုံးသပ်ပြီး သက်ဆိုင်ရာ အရာရှိသို့ အချိန်မှီတင်ပြနိုင်ရန် ဖြစ်သည်။

အလုပ်၏ အဓိကတာဝန်များ
- ဘဏ်ခွဲမှတင်ပြလာသော ချေးငွေအမှုတွဲအတွက် လိုအပ်သော စာရွက်စာတမ်းများ စိစစ်ခြင်း၊ လိုအပ်ချက်များအား ဘဏ်ခွဲသို့တောင်းခံခြင်း၊ ချေးငွေဆိုင်ရာ အချက်အလက်များ မှန်ကန်မှု ရှိ၊ မရှိ စစ်ဆေးသုံးသပ်ခြင်း။
- ချေးငွေလျှောက်ထားသူ၏ အခြားဘဏ်ချေးငွေစာရင်းရှင်းတမ်းများနှင့် Financial Statement များ စိစစ်သုံးသပ်ခြင်း၊ ICR ၊ DCR နှင့် အခြား Ratio များတွက်ချက်ခြင်း၊ Financial Statement နှင့် Inspection Report တွင် ကွဲလွဲချက်များအား လေ့လာသုံးသပ်ပြီး လိုအပ်ချက်များကို စုံစမ်းစိစစ်ခြင်း။
- အာမခံမြေနှင့် အဆောက်အဦးအတွက် ရာဖြတ်ထားသော တန်ဖိုးများအား Stress Test တွက်ချက်ခြင်း၊ ရာဖြတ်တန်ဖိုးများ သင့်/မသင့် Land Price Data တွင် စစ်ဆေးခြင်းနှင့် အခြားပြင်ပသတင်းအရင်းအမြစ်များမှ လေ့လာစုံစမ်းပြီး အကဲဖြတ်ခြင်း။
- ချေးငွေစိစစ်ရာတွင် ထပ်မံသိလိုသော သတင်းအချက်အလက်များရှိပါက ဘဏ်ခွဲသို့မေးမြန်းခြင်းနှင့် ချေးငွေအမှုတွဲတစ်ခု ပြည့်စုံစေရန်အတွက် သတ်မှတ်ထားသော လုပ်ထုံးလုပ်နည်းများနှင့်အညီ လိုအပ်ချက်အလုံးစုံအား တာဝန်ယူပြင်ဆင်ခြင်း။
- CRD ၏ Loan Application Tracking File နှင့် Computerised System တွင် ချေးငွေဖိုင်များ၏ အချက်အလက်များ ပြည့်စုံမှန်ကန်မှု ရှိ/မရှိ စစ်ဆေး၍ အချက်အလက်များမှားယွင်းဖော်ပြထားပါက သက်ဆိုင်ရာဘဏ်ခွဲသို့ ပြန်လည် ပြင်ဆင်ပေးရန် အကြောင်းကြားခြင်း၊ CRD အနေဖြင့် လိုအပ်သော အချက်အလက်များအား ထည့်သွင်းခြင်းနှင့် ပြန်လည်စစ်ဆေးခြင်း။
- အခါအားလျော်စွာ ဌာနတာဝန်ခံ၊ ဒုတိယတာဝန်ခံနှင့် မန်နေဂျာမှ ပေးအပ်သော တာဝန်များကို ဆောင်ရွက်ပေးခြင်း။

*ဆန်ခါတင်စာရင်းတွင်ပါဝင်သူများကိုသာ အင်တာဗျူးအတွက် ဆက်သွယ်သွားပါမည်။*

အသိပညာနှင့် ကျွမ်းကျင့်မှုများ
လိုအပ်သော အသိပညာနှင့် ကျွမ်းကျင်မှုများ
(က) လူအများနှင့် ပေါင်းသင်းဆက်ဆံမှု ကောင်းမွန်ပြီး ဘဏ်ခွဲများ၊ သက်ဆိုင်ရာ ရုံးဌာနများနှင့် ဆက်သွယ်ဆောင်ရွက်ရာတွင် အဆင်ပြေစွာ ပြောဆိုဆက်ဆံနိုင်ရမည်။
(ခ) လုပ်ငန်းတာဝန်များအား အချိန်မှီပြီးစီးနိုင်ရမည်။
(ဂ) လုပ်ငန်းများကို အသေးစိတ်ဂရုပြုနိုင်ရမည်။ တာဝန်ယူနိုင်ရမည်။
(ဃ) စာအရေးအသားနှင့် စကားပြောကောင်းမွန်ရမည်။
(င) အဖွဲ့အစည်းနှင့် ကောင်းမွန်စွာ အလုပ်လုပ်နိုင်၍ အချိန်နှင့် တပြေး ညီ စီမံခန့်ခွဲနိုင်မှု ကောင်းမွန်ရမည်။
(စ) အရေးကြီးသော၊ အဓိကဖြစ်သော လုပ်ငန်းတာဝန်များအား သိရှိ နားလည်နိုင်ရမည်။

ပညာအရည်အချင်းနှင့် Training
လိုအပ်သော ပညာအရည်အချင်း
(က) စီးပွားရေးတက္ကသိုလ်ဘွဲ့ရ ဖြစ်ရမည်။ (သို့) တက္ကသိုလ်တစ်ခုခုမှ ဘွဲ့တစ်ခုခု ရရှိထားသူဖြစ်ရမည်။ LCCI Level II, III (သို့) စီးပွားရေး ဒီပလိုမာ တစ်ခုခု ရရှိထားသူဖြစ်ရမည်။
(ခ) Advanced Microsoft Word, Excel နှင့် Email အသုံးပြုနိုင်ပြီး မြန်မာစာနှင့် အင်္ဂလိပ်စာ ကျွမ်းကျင်စွာ ရိုက်နိုင်ရမည်။

လုပ်ငန်းအတွေ့အကြုံ
လိုအပ်သောလုပ်ငန်းအတွေ့အကြုံ
(က) မိမိလျှောက်ထားသောရာထူးနှင့် ကိုက်ညီသော လုပ်ငန်းအတွေ့ အကြုံအနည်းဆုံး (၃) နှစ် ရှိရမည်။

ဘာသာစကားများ
လိုအပ်သောဘာသာစကား
(က) မြန်မာဘာသာစကားကျွမ်းကျင်ရမည်။
ဦးစားပေးစဉ်းစားမည့် ဘာသာစကား
(က) အင်္ဂလိပ်စာ အသင့်အတင့် ကျွမ်းကျင်ရမည်။