မိမိဘဏ်ခွဲအား ဦးဆောင်ပြီး ဘဏ်ခွဲလုပ်ငန်းဆိုင်ရာတာဝန်များကို ကြီးကြပ်ရပါမည်။ ဘဏ်ခွဲ၏ လုပ်ငန်းစဉ်များကို တိုးတက်ကောင်းမွန်အောင် နည်းပြလမ်းညွှန်မှုပေးခြင်းနှင့် အကောင်အထည်ဖော် ဆောင်ရွက် ခြင်းအပြင် ဘဏ်ခွဲ၏ရည်မှန်းထားသည့် အရောင်းဆိုင်ရာဝန်ဆောင်မှုကို အောင်မြင်မှုရရှိစေရန် လုပ်ဆောင် ရမည်ဖြစ်ပါသည်။ Customerများ နှင့် ကောင်းမွန်သောဆက်ဆံရေးတည်ဆောက်၍ အရောင်းဝန်ဆောင်မှု ပေးခြင်း၊ လုပ်ဆောင်ရမည့် လုပ်ငန်းစဉ်များအား အကောင်အထည်ဖော် ဆောင်ရွက်ခြင်း နှင့် မိမိဘဏ်ခွဲဝန်ထမ်း များအား ကောင်းမွန်စွာစီမံခန့်ခွဲနိုင်ပြီး ဘဏ်ခွဲအား အကျိုးအမြတ်များရရှိအောင် ဆောင်ရွက်နိုင်သူဖြစ်ရပါမည်၊၊

KEY RESPONSIBILITIES

• ဘဏ်၏ နေရာဒေသအလိုက် အဓိက ဝင်ငွေရရှိသော နေရာများ အားလုံးကို အာရုံစိုက်၍ လိုအပ်သော အရောင်း ဝန်ဆောင်မှု လုပ်ငန်းနှင့် အကျိုးစီးပွား တိုးတက်မှုများ ရရှိအောင် ဆောင်ရွက်ရန်။
• သတ်မှတ်ထားသော လုပ်ငန်းစီမံချက်များ နှင့် Target များရရှိရန်အတွက် ဘဏ်ခွဲ၏ စွမ်းဆောင်ရည်ကို စီမံခန့်ခွဲ ညွှန်ကြားရန်။
• ဝန်ထမ်းမှ ဆောင်ရွက်ခြင်းမရှိ၍ Customer Complaint ဖြစ်ပါက SLA (Service Level Agreement) အားနားလည် သဘောပေါက်သည်အထိ ဝန်ထမ်းအားရှင်းပြပြီး လိုက်နာမှု ရှိ/မရှိ စစ်ဆေးရန်။
• သတ်မှတ်ထားသော Performance Target များကို နားလည်သဘောပေါက်၍ ဆုံးရှုံးနိုင်ခြေများကို လျော့နည်းအောင် လုပ်ဆောင်ခြင်းနှင့် သွေဖယ်ကွဲလွဲမှု ဖြစ်ပေါ်နိုင်သည့် အကြောင်းအရင်းများကို ဖော်ထုတ်၍ စွမ်းဆောင်ရည် တိုးတက် နိုင်ရန်အတွက် စောင့်ကြည့် စီမံခန့်ခွဲရမည်။
• ဘဏ်၏ အကျိုးစီးပွား ဖွံ့ဖြိုးတိုးတက်စေရန်အတွက် လက်ရှိ Customer များနှင့် ချိတ်ဆက်၍ Customer အသစ်များ ပိုမိုရရှိအောင် ဆောင်ရွက်ရန်။
• Customer များအတွက် သွက်လက်တက်ကြွသော အရောင်းဝန်ဆောင်မှုနှင့် ရင်းနှီးဖော်ရွေသော အတွေ့အကြုံပေးသည့် ပတ်ဝန်းကျင်ဖြစ်အောင် ဖန်တီးရန်။
• Customer Service Standards ကိုဖြစ်ပေါ်လာစေရန်နှင့် ဝန်ထမ်းများမှ ဝန်ဆောင်မှု တိုးတက်လာစေရန် အရောင်းနှင့် ပတ်သက်သော ညွှန်းဆိုပေးမှု အလေ့အကျင့်များ ပြုလုပ်ရန်။
• လုပ်ငန်းတာဝန်များ စီမံညွှန်ကြားရာတွင်နှင့် လုပ်ဆောင်ရာတွင် ဘဏ်၏ စည်းမျဉ်းစည်းကမ်းများ နှင့်အညီ လုပ်ဆောင်ရန်။
• အချိန်တိုင်းတွင် အကောင်းဆုံး ဝန်ဆောင်မှုများကို သေချာစွာ ပေးနိုင်ရန်အတွက် လိုအပ်ပါက ဦးဆောင်/ကူညီ/ ဝန်ဆောင်မှု ပေးနိုင်ရမည်။
• ဘဏ်၏ လုပ်ငန်းများ ဆောင်ရွက်ရာတွင် သတ်မှတ်ထားသော မူဝါဒ၊ လုပ်ထုံးလုပ်နည်းများနှင့် အညီ သေချာစွာဆောင်ရွက်စေရန်။
• Customer Service နှင့် ပတ်သက်၍ စဉ်ဆက်မပြတ် တိုးတက်ကောင်းမွန်အောင် ပြုလုပ်ရန်အတွက် နည်းလမ်းများ ရှာဖွေခြင်း၊ လုပ်ငန်းကျင့်ထုံးများ၊ လုပ်ထုံးလုပ်နည်းများ၊ ပြုမူလုပ်ဆောင်ပုံများနှင့် တင်ပြခြင်းများ၊ အထူးသဖြင့် အရောင်းပိုင်းနှင့် ဝန်ဆောင်မှုပေးသော အပိုင်းများတွင် ထိရောက် ကောင်းမွန်စေရန်။
• ဘဏ်တွင်း စာရင်းစစ်၏ (လက်သင့်ခံနိုင်သည့် (သို့) ကောင်းသည်) ဟူသော သုံးသပ်ချက် ရရှိရန်နှင့် တိကျမှန်ကန်စွာ အချိန်နှင့် တပြေးညီ ပြီးမြောက်အောင် ဆောင်ရွက်ရန်။
• Yoma Bank မှ သတ်မှတ်ထားသော ခွင့်ပြုခြင်းဆိုင်ရာ လုပ်ပိုင်ခွင့်များအား (Passing Approval) အသုံးပြု၍ လုပ်ငန်းစဉ်များကို ခွင့်ပြုချက်ပေးရန်။
• Yoma Bank ၏ အပြောင်းအလဲအစီအစဉ်နှင့် ကိုက်ညီစွာ စဉ်ဆက်မပြတ် ဖွံ့ဖြိုးမှုရရှိရန်အတွက် စနစ်သစ်များ၊ လုပ်ငန်းစဉ်အသစ်များ ပြောင်းလဲမှုအစီအစဉ်ကို အကောင်အထည်ဖော်ရာတွင် ပံ့ပိုး ဆောင်ရွက်ရန်။
• ဘဏ် အတွင်း/အပြင် သတ်မှတ်ထားသော စည်းကမ်းများ၊ ဥပဒေများနှင့် ကိုက်ညီမှု ရှိ/မရှိကို အစဉ်တစိုက် ဂရုပြုစစ်ဆေးနေရမည်။
• Credit Policyနှင့်အညီ ဘဏ်ခွဲ၏ ချေးငွေများသည် လက်ခံနိုင်သည့် ဆုံးရှုံးနိုင်ခြေနှင့် တိုးတက်နိုင်ခြေအတွင်း တည်ရှိနေစေရန်အတွက် သတိပြုဆောင်ရွက်ရန်နှင့် ဘဏ်၏ ညွှန်ကြား ထားသော စနစ်၊ စည်းကမ်း၊ လုပ်ငန်း၊ အုပ်ချုပ်မှုတို့ အောက်တွင် တည်ရှိရန်အတွက် အဘက်ဘက်မှ လိုအပ်သလို စီစဉ်ညွှန်ကြား ဆောင်ရွက်ရန်။
• ဘဏ်၏ အသင်းလိုက် လုပ်ဆောင်မှု အားကောင်းလာစေရန် ဦးဆောင်လမ်းပြရန်။
• ဘဏ်၏ အသုံးစရိတ်များအား အလေအလွင့် မရှိအောင် ထိန်းသိမ်းရန်။
• ရိုးမဘဏ်၏ Vision & Value များနှင့် ဆက်နွယ်၍ ဘဏ်ခွဲ၏ ရှေ့ဆက်လုပ်ဆောင်ရမည့်လုပ်ငန်းစဉ်ကို သတ်မှတ် အကောင်အထည်ဖော် ဆောင်ရွက်ပြီး ဘဏ်ခွဲ အရာထမ်း၊ဝန်ထမ်းများ ရှင်းလင်းစွာ နားလည် သဘောပေါက်အောင် လုပ်ဆောင်ရန်။
• ဝန်ထမ်းရေးရာ နှင့် ပတ်သက်၍ ပြန်လည် သုံးသပ်မှုများပြုလုပ်ရာတွင် Senior Vice President များနှင့် ညှိနှိုင်း၍ သတ်မှတ် အချိန်ကာလအတွင်း ပြီးစီးအောင် ဆောင်ရွက်ရန်။

Education & Special Training   

• တက္ကသိုလ်တစ်ခုခုမှ ဘွဲ့ရရှိထားသူဖြစ်ရမည်။  
• LCCI Level II, III သို့မဟုတ် စီးပွားရေးDiploma ရရှိထားသူ ဖြစ်ရမည်။  
• Microsoft Excel, Word နှင့် Email အသုံးပြုနိုင်ရမည်။

Knowledge & Skills                  

• လူအများနှင့် ပေါင်းသင်းဆက်ဆံမှု ကောင်းမွန်ရမည်။ Customerများနှင့် ဆက်ဆံရေးကောင်းမွန်စွာ ဆောင်ရွက်နိုင်ရမည်။ အသင်းအဖွဲ့နှင့် ပူးပေါင်း လုပ်ဆောင်နိုင်ရမည်။
• စာအရေးအသား နှင့် စကားပြောကောင်းမွန်ရမည်။  အလုပ်ဖိအားကိုခံနိုင်ရည်ရှိပြီးတာဝန်ယူစိတ်ရှိရမည်။
• Sales Skills နှင့် Sales သဘောတရားများကို နားလည်ထားရမည် (Financial Service Sector တွင် အတွေ့အကြုံရှိလျှင် ပိုမိုကောင်းမွန်သည်)။
• Business Development နှင့် ပတ်သက်သည့် အတွေ့အကြုံရှိရမည်။
• ရည်မှန်းချက်ပြည့်မီအောင် အလုပ်လုပ်နိုင်သူ ဖြစ်ရမည်။ လိုအပ်ပါက ရိုးမဘဏ်၏ မည်သည့်ဘဏ်ခွဲတွင်မဆိုအနည်းဆုံး ၂နှစ် မှ ၃နှစ် အထိ တာဝန်ထမ်းဆောင်နိုင် သူဖြစ်ရမည်။

Experience

• မိမိလျှောက်ထားသောရာထူးနှင့် ကိုက်ညီသော လုပ်ငန်းအတွေ့ကြုံအနည်းဆုံး (၅)နှစ်ရှိရမည်။ သက်ဆိုင်ရာနယ်ပယ်တွင် အတွေ့ကြုံရှိသူ ဦးစားပေးမည်။

Languages

• မြန်မာဘာသာစကား အရေး၊အပြော ကျွမ်းကျင်ရမည်။
• အင်္ဂလိပ်ဘာသာစကား အသင့်အတင့်ကျွမ်းကျင်ရမည်။