Reported successfully

ကုမ္ပဏီအကြောင်း

Good Brothers' Group of Companies (GBS) သည် မြန်မာနိုင်ငံ၏ လယ်ယာသုံးစက်ပစ္စည်းနှင့် ကုန်သွယ်မှုကဏ္ဍများ၊ စိုက်ပျိုးရေးယန္တရားပိုင်း၊ ဘဏ္ဍာရေးဝန်ဆောင်မှု၊ စိုက်ပျိုးရေးသုံးဓာတုပစ္စည်းနှင့် လူသုံးကုန်အီလက်ထရောနစ်ကဏ္ဍများတွင် နှစ်ပေါင်း (၃၅) နှစ်ကျော်ကြာ ဦးဆောင်ရပ်တည်နေသော စိုက်ပျိုးရေးလုပ်ငန်းစုကြီး ဖြစ်ပါသည်။ ခိုင်မာသော စီမံအုပ်ချုပ်မှုစနစ်များနှင့် လုပ်ထုံးလုပ်နည်းများအပေါ် အခြေခံ၍ နိုင်ငံတစ်ဝန်းရှိ လုပ်ငန်းခွဲများနှင့် အသုံးပြုသူများထံ ကုန်ပစ္စည်းများ အချိန်မီ၊ ဘေးကင်းလုံခြုံစွာ ရောက်ရှိစေရေးအတွက် ဗဟိုကုန်စည်ပို့ဆောင်ရေးကွန်ရက်ဖြင့် စီမံဆောင်ရွက်လျက် ရှိပါသည်။

ရာထူးအကြောင်း

Assistant Delivery Manager သည် Corporate Logistics Department လက်အောက်ရှိ နေ့စဉ် ကုန်စည်ပို့ဆောင်ရေး လုပ်ငန်းစဉ်များနှင့် လုပ်ငန်းသုံးယာဉ်ယန္တရားများ စီမံခန့်ခွဲမှုကို တာဝန်ယူ ကြီးကြပ်လမ်းညွှန်ရန် ဖြစ်ပါသည်။ Delivery Manager ထံ တိုက်ရိုက်အစီရင်ခံရမည်ဖြစ်ပြီး Daily Delivery Plan များ ရေးဆွဲအကောင်အထည်ဖော်ခြင်း၊ ကုန်ပစ္စည်းများ ကားဂိတ်များ၊ နယ်ရုံးခွဲများနှင့် သုံးစွဲသူများထံ အချိန်မီ ပို့ဆောင်နိုင်ရေး စီစဉ်ခြင်း၊ သယ်ယူပို့ဆောင်ရေးစရိတ် သက်သာစေရန် တွက်ချက်စစ်ဆေးခြင်း၊ ယာဉ်မောင်းများနှင့် ယာဉ်များ၏ ကြံ့ခိုင်မှုကို စစ်ဆေးကြပ်မတ်ခြင်းတို့ကို ဦးဆောင်ဆောင်ရွက်ရမည် ဖြစ်ပါသည်။

Job Description

• နေ့စဉ် စက်ပစ္စည်းမှာယူမှုများကို စိစစ်ပြီး Daily Delivery Plan ရေးဆွဲကာ ဂိတ်ကားများ၊ လုပ်ငန်းသုံးကားများဖြင့် ကားဂိတ်များ၊ နယ်ရုံးခွဲများနှင့် သုံးစွဲသူများထံ အချိန်မီ ပို့ဆောင်နိုင်ရေး စီမံဆောင်ရွက်ရန်။

• သယ်ယူပို့ဆောင်ရေးစရိတ် သက်သာစေရန်အတွက် ယာဉ်တစ်စီးချင်းစီ၏ ဆီစားနှုန်း၊ လမ်းတံတားကြေးနှင့် ကုန်ကျစရိတ်များကို စိစစ်တွက်ချက်ခြင်းနှင့် g-Truck Software (GPS) ဖြင့် ယာဉ်များကို ကြီးကြပ်စစ်ဆေးရန်။

• ကုန်ပစ္စည်း မထုတ်မီ ကုန်ထုတ်လွှာများကို စစ်ဆေးပြီး Delivery Supervisor, Coordinator များနှင့် ယာဉ်မောင်းများအား စနစ်တကျ ကြီးကြပ်လမ်းညွှန်ရန် (Drivers Appraisal စစ်ဆေးခြင်းနှင့် SOPs သင်ကြားပေးခြင်း)။

• နယ်ရုံးခွဲများ၊ Showroom များနှင့် အရောင်းဌာနများ၏ ပေးရန်ကျန်ပစ္စည်းစာရင်းများ (Pending Orders) အဆင်ပြေချောမွေ့စွာ ပို့ဆောင်နိုင်ရေး သက်ဆိုင်ရာ မန်နေဂျာများနှင့် ညှိနှိုင်းဆောင်ရွက်ရန်။

• ကုန်စည်ပို့ဆောင်မှု လုပ်ငန်းစဉ်များအတွင်း ပစ္စည်း ပျက်စီး၊ ပျောက်ဆုံး၊ လွဲမှားမှု မရှိစေရေးအတွက် စနစ်တကျ ကြီးကြပ်စီမံပြီး တာဝန်ယူမှု၊ တာဝန်ခံမှု အပြည့်ဖြင့် ဆောင်ရွက်ရန်။

အခြားအချက်အလက်များ

• ဌာန: Corporate Logistics Department

• တိုက်ရိုက်အစီရင်ခံရမည့်သူ: Delivery Manager

• အလုပ်နေရာ: အမှတ် ၅၁၊ ၅၂၊ ၅၇၊ မင်းဧရာနှင့် မေခလမ်းထောင့်၊ ရွှေသံလွင်စက်မှုဇုန်၊ လှိုင်သာယာမြို့နယ်၊ ရန်ကုန်မြို့

• ရုံးတက်ရက်: တနင်္လာ မှ စနေနေ့ အထိ

• အလုပ်ချိန်: နံနက် ၉:၀၀ နာရီ မှ ညနေ ၅:၀၀ နာရီ အထိ

• တက္ကသိုလ်ဘွဲ့ ရရှိထားသူ ဖြစ်ရမည်
• Logistics, ကုန်စည်ပို့ဆောင်ရေး (Delivery) သို့မဟုတ် Fleet Management နယ်ပယ်တွင် အတွေ့အကြုံ အနည်းဆုံး (၃) နှစ်မှ (၅) နှစ်အထက် ရှိရမည်ဖြစ်ပြီး Supervisory အဆင့် အတွေ့အကြုံ (၁) နှစ်မှ (၂) နှစ် ရှိသူ ဖြစ်ရမည်။
• ယာဉ်မောင်းနှင်မှု လမ်းကြောင်းစီမံခန့်ခွဲခြင်း၊ အဝေးပြေးကုန်စည်ပို့ဆောင်ရေး ဂိတ်များနှင့် ချိတ်ဆက်ဆောင်ရွက်ခြင်း၊ ကုန်ကျစရိတ် တွက်ချက်စိစစ်ခြင်းနှင့် ယာဉ်ထိန်းသိမ်းမှု လုပ်ငန်းစဉ်များကို ကျွမ်းကျင်စွာ နားလည်သဘောပေါက်သူ ဖြစ်ရမည်။
• Trucking Softwareများ အသုံးပြုဖူးသူ ဖြစ်ရမည်ဖြစ်ပြီး Microsoft Excel ဖြင့် အချက်အလက်နှင့် စာရင်းဇယားများ စနစ်တကျ စိစစ်တင်ပြနိုင်ရမည်။
• ယာဉ်မောင်းများနှင့် ပို့ဆောင်ရေးအဖွဲ့ကို စနစ်တကျ ဦးဆောင်ထိန်းကျောင်းနိုင်သူနှင့် နေ့/ည ပို့ဆောင်ရေးလုပ်ငန်းများအတွက် ပြောင်းလွယ်ပြင်လွယ် တာဝန်ယူနိုင်သူ ဖြစ်ရမည်။