ရုံးဝန်ထမ်းတစ်ယောက် ပျမ်းမျှ အားဖြင့် တစ်ရက်လျှင် အလုပ်အတွက် (၈ ဒသမ ၉)နာရီလောက် အချိန် ကုန်နေရသည်။ အလုပ်သွား အလုပ် ပြန်လမ်းပေါ်မှာ ကုန်သည့်အချိန် များကိုပါ ပေါင်းထည့်လိုက်လျှင် ရုံးဖွင့်ရက်ဟူသည် အပေါင်းအသင်း နဲ့ အပြင်ထွက်ဖို့အချိန်တောင် မကျန်။ အားကစား လေ့ကျင့်ခန်း လုပ်ဖို့ဆိုတာတော့ ဝေလာဝေး ဖြစ်သည်။ကိုယ်လက်လှုပ်ရှားမှုရေးရာ ကျွမ်းကျင်သူများကမူ ရုံးမှာ ထိုင် အလုပ်လုပ်နေသူများသည်ပင် အလုပ် လုပ်ရင်း၊ ထိုင်နေရင်း ကိုယ်လက် လှုပ်ရှားကျန်းမာရေး လေ့ကျင့်နိုင် သည်ဟု ဆိုထားကြသည်။ ခုံ အောက်မှာ ခြေထောက်ကို ချီတက် သည့်နှယ် တစ်ယောက်တည်း လေ့ ကျင့်နေနိုင်သလို၊ ရုံးထဲမှာလည်း လမ်းလျှောက်နေနိုင်သည်ဟု ကျွမ်း ကျင်သူတို့က ဆိုသည်။ အလုပ်ထဲ မှာ ကုန်ဆုံးသည့် (၈ ဒသမ ၉) နာရီစာလောက်ကို ကျန်းမာရေး အတွက်ပါ အထူးအသုံးဝင်အောင် လုပ်လို့ရသည့် နည်းလမ်းများစွာ ရှိသည်ဟု ကျွမ်းကျင်သူတို့က အကြံပြုသည်။
ကျွမ်းကျင်သူတို့ အကြံပြုထားသည့်အနက်မှ အကောင်း ဆုံး(၁၀)နည်းကို ဖော်ပြပါမည်။
၁။ ရေခဲတုံး အင်္ကျီကျောနောက်ထဲ ၀င်သွားသည့်နှယ်
အထိုင်များသည့် အလုပ်တွေမှာ လူကို အထိအနာ စေဆုံးက ထိုင်ပုံမမှန်ခြင်း ဖြစ်သည်။ အများစုသည် ခပ်ကုန်းကုန်း ထိုင်လေ့ ရှိသည်။ တကယ်တမ်းမှာ ခါးမတ်မတ်ထား၊ ရင်ဖွင့်ပြီး ထိုင်ရမည်။ မေ့ပြီး ခပ်ကုန်းကုန်း ထိုင်နေမိခြင်းကို ရှောင်ကြဉ်ဖို့ နည်းလမ်းကောင်းလေး ရှိသည်။ ကျောကုန်း အင်္ကျီကြားထဲ ရေခဲတုံး ၀င်သွား သည်ဟု စိတ်ကူးကြည့်ပါ။ ရေခဲတုံး ၀င်သွားလျှင် ဘယ်လို ဖြစ်သနည်း။ လူက တွန့်တက်ပြီး ကျော ကော့တက် သွားလိမ့်မည် မဟုတ်လား။ ထိုသို့ ဖြစ်သွား ပုံသည် မှန်ကန်သော ထိုင်နည်းပုံ ဖြစ်၏။သို့ဖြစ်ရာ ကိုယ့်စားပွဲရှေ့ နံရံမှာ ဖြစ်ဖြစ် ရေခဲတုံး ဟု စာတစ်ရွက်မှာ ရေးပြီး ကပ်ထားပါ။ ထိုစာရွက်ကို ကြည့်မိတိုင်း ကျောကုန်းထဲ ရေခဲတုံး ၀င်ပြီဟု မှတ်ကာကော့ လိုက်ပါလေ။
၂။ မိနစ် ၂၀ ဥပဒေသ
မိနစ် (၂၀) နေတိုင်း စားပွဲကနေ တစ်ချက်လောက် မတ်တပ်ထရပ်ပါ။ အထိုင်များလျှင် ခန္ဓာကိုယ် ဇီဝ လည်ပတ်မှု စနစ် နှေးကွေး သွားသည်။ သွေးတွင်း သကြားဓာတ် ချေဖျက် နိုင်စွမ်း ကျဆင်းသည်။ ခန္ဓာကိုယ် တွင်း အဆီဓာတ် ချေဖျက်နိုင်စွမ်း ကျဆင်းသည်။ ခန္ဓာကိုယ်ထဲက မလိုလား အပ်သော ဓာတ်များကို ချေဖျက် နိုင်စွမ်း ကျဆင်းသည်။ သို့ဖြစ်ရာ မိနစ် (၂၀) နေတိုင်း အိမ်သာထ သွားခြင်း၊ ရေထသောက်ခြင်း၊ လမ်း နည်းနည်းလောက် ထလျှောက်ခြင်း၊ ဘေးနားက တစ်ယောက်ကို မတ်တပ်ရပ်ပြီး တစ်ခုခု ထပြောခြင်းမျိုး လုပ်ပါ။
၃။ အသင့်ပြင်
ရုံးချိန် အမီ ပြေးရသူများအဖို့ အိပ်ရာထ နောက်ကျနေပြီ ဆိုလျှင် လောလောလောလောနဲ့ မနက်ခင်းစာ လွတ်တတ်သည်။ ထိုသို့ လွတ်သွားလျှင် တစ်မနက်လုံး ဗိုက်ဆာနေကာ လူက သရေစာတွေ စားဖို့ အသင့် ဖြစ်နေတော့သည်။ သရေစာများသည် ကျန်းမာရေးကို ထိခိုက်စေနိုင်စွမ်း ရှိသည်။ မနက်ခင်း စာကို ၀လင်စွာ စားထားသည့် အခါလူသည် ဗိုက်ပြည့် နေသည့် အတွက် သရေစာတွေ စားချင်စိတ် နည်းသွား သလို၊ ခွန်အားလည်း ပြည့်နေပြီး လုပ်ကိုင်လို့လည်းကောင်း ကျန်းလည်း ကျန်းမာသည်။ သို့ဖြစ်ရာ အိပ်ရာထ နောက်ကျပြီး မနက်စာ လွတ်တတ်သူများ ညကတည်းက မနက်စာ အတွက် အသင့်ပြင်ထား ခြင်းသည် အကောင်းဆုံး ဖြစ်သည်။ ရုံးသွားခါနီး ပြင်ထားပြီးသားကို စားကာ ထသွားရုံပင်။
၎။ ကျစ်လျစ်သည့် ပေါင်တံ
စားပွဲမှာ ထိုင်ရင်း ခြေထောက် လေ့ကျင့်ခန်း လုပ်ခြင်းသည် အညောင်း လည်းပြေ၊ ပေါင်တံလည်း သွယ်လျ ကျစ်လျစ် သလို၊ ထိုင်နေရင်း ကယ်လိုရီလည်း လျော့ကျ သွားမည်။
၅။ ရုံး ကြိုးကြာ ဖြစ်ပါစေ
ရုံးမှာ ကြိုးကြာလို တစ်ချိန်လုံး ခြေတစ်ချောင်း ချိတ်ပြီး မတ်တပ်ရပ်နေဖို့ မဟုတ်။ သို့သော် ထိုင်နေမည့် အစား တတ်နိုင်သမျှတော့ ခြေနှစ် ချောင်းလုံးပေါ် မတ်တပ်ထရပ် ဖြစ်ပါစေ။ ဖုန်းပြောလျှင် ထိုင်ပြောနေမည့် အစား မတ်တပ်ရပ်ပြီး ပြောပါ။ ဖြစ်နိုင်လျှင် လှုပ်လှုပ်ရှားရှားလေး လုပ်နေခြင်းဖြင့် ကြွက်သား များကိုပါ လေ့ကျင့်ခန်း လုပ်ပေးပြီးသား ဖြစ်သွားမည်။
၆။ နှစ်မိနစ် ချီတက်
ထိုင်လျက်နှင့်ပင် လုပ်နိုင်သည်။ ခါးကို ဆန့်ကာ မတ်မတ်ထိုင်ပါ။ ခြေနှစ်ဖက်ကို ခပ်ခွာခွာ ထားပြီး ခြေဖ၀ါးတွေကို ကြမ်းပြင်ပေါ် တပြေးညီ ချထားပါ။ ထို့နောက် ခြေထောက် နှစ်ဖက်ကို ဗယ်ညာ တစ်လှည့်စီ မြှောက်လိုက် ချလိုက်ဖြင့် ထိုင်လျက် ချီတက်ကြည့်ပါ။ နှစ်မိနစ် လုပ်ပါ။ တစ်နာရီ နှစ်နာရီခန့် ထိုင်ပြီးတိုင်း ထိုသို့ ထိုင်လျက် ချီတက်ခြင်းဖြင့် ထိုင်နေရင်း ကယ်လီရီ လောင်ကျွမ်းပြီးသား ဖြစ်သွားမည်။
၇။ ဗိုက်ကြွက်သား လေ့ကျင့်
အနားမှာ ဘယ်သူမှ မရှိတုန်း လုပ်နိုင်လျှင် ပိုကောင်းသည်။ တခြား သူတွေ တစ်မျိုးထင်ကုန်မှာ စိုးရ သောကြောင့်တည်း။ ထိုင်ခုံကို ကျောမှီပြီး ထိုင်ပါ။ အသက်ကို ပြင်းပြင်း ရှူသွင်းပါ။ ဗိုက်တွေပါ ချပ်သွားပါစေ။ ခြေနှစ်ဖက် ကိုလည်း ကြမ်းပြင်မှ တစ်ပေကျော်ကျော် ကြွတက်သည် အထိ အပြိုင် မတင်ပါ။ လက်ကိုလည်း ခေါင်းနောက် ချိတ်ထားပါ။ ထိုအတိုင်း စက္ကန့် အနည်းငယ် နေပါ။ (၁၀) ကြိမ်၊ အကြိမ် (၂၀) ခန့် လုပ်ပါ။ ရုံးမှာ ထိုင်ရင်း ဗိုက်ကြွက်သားနှင့် ခြေသလုံး ကြွက်သား လေ့ကျင့်ပြီးသား ဖြစ်သွား လိမ့်မည်။
၈။ လက်မောင်းကြွက်သား လေ့ကျင့်ခန်း
စားပွဲပေါ် တံတောင်ဆစ် ထောက်ထားပြီး လက်ဖ၀ါးနှစ်ဖက်ကို တစ်ခုကို မိမိ မျက်နှာဘက်လှည့်၊ တစ်ခုကို ဝေးရာဘက်လှည့်ကာ နှစ်ခု ဆုပ်ကိုင်ပြီး (၁၀) စက္ကန့်လောက် ညှစ်ထားပါ။ ထိုသို့(၁၀) ကြိမ်လောက် လုပ်ပါ။ လက်မောင်း ကြွက်သားများ အားစိုက်ရခြင်းကြောင့် များများလုပ်လေ သန်မာလေ ဖြစ်လာမည်။
၉။ တင်ပါး လေ့ကျင့်ခန်း
ထိုင်ခုံမှာ ခြေနှစ်ဖက်ခွဲ၊ ခြေဖ ၀ါးများ ကြမ်းပြင်ပေါ်ချ၊ ခါးမတ်မတ် ထိုင်ပါ။ ပြီးလျှင် တင်ပါးကို ညှစ်ထားပါ။ (၁၀) စက္ကန့်လောက်ထိ ထိုအတိုင်း ဖျစ်ညှစ်ထားပါ။ (၁၀) စက္ကန့် ညှစ်ထား ပြီးလျှင် ရှစ်စက္ကန့်သို့ လျှော့၍ ထပ်ညှစ်ပါ။ ထိုနည်းဖြင့် နှစ်စက္ကန့်ထိ ရောက်အောင် ညှစ်သွားပါ။ ပြီးလျှင် အထက်ကို ပြန်တက်ကာ (၁၀) စက္ကန့်ထိ ညှစ်ပြီးလျှင် ရပ်လိုက်ပါ။ ထိုင်နေရင်း တင်ပါး ကြွက်သားများ သန်မာ အားကောင်း လာစေမည့် လေ့ကျင့်ခန်း ဖြစ်သည်။
၁၀။ အရိုးတွေ သန်မာဖို့
ဒိုက်ထိုးသည့် လေ့ကျင့်ခန်း ဖြစ်သည်။ ကြမ်းပြင်မှာ ကဲ့သို့ တပြေးညီ ဒိုက်ထိုးမရ နိုင်သည့် ရုံးခန်းမျိုး ဖြစ်ပါက စားပွဲခုံကို အသုံးချနိုင် သည်။ စားပွဲခုံပေါ် လက်နှစ်ချောင်း ထောက်ကာ ခြေထောက်ကို နောက်ဆုတ် တန်းထားပါ။ ခြေဖနောင့်မှ ခေါင်းအထိ ခန္ဓာကိုယ်သည် တစ်တန်းတည်း မျဉ်းဖြောင့် ပုံစံမျိုး ဖြစ်နေပြီး လက်နှစ်ချောင်း ကသာ ခုံပေါ်သို့ ခန္ဓာကိုယ် လဲကျ မသွားအောင် ထောက်ထားသည့် ပုံစံမျိုး ဖြစ်သည်။ စားပွဲ ကိုလက်နဲ့ ထောက်ကာ ဒိုက်ထိုးခြင်း ဖြစ်သည်။ အသင့်ဖြစ်ပြီ ဆိုလျှင် လက်နှစ်ဖက်ကို ကွေးကာ ခန္ဓာကိုယ်ကို နှိမ့်ချပါ။ ပြီးလျှင် ပြန်တွန်းတင်ပါ။ ကိုယ်လုပ်နိုင် သလောက် လုပ်သွားပါ။ လုပ်ကျင့်ရှိ လေများများ လုပ်နိုင် လာလေ ဖြစ်သည်။
Credit -messenger news journal