လုပ်စရာရုံးအလုပ်တွေကတစ်သီတသန်းကြီးရှိပေမဲ့ ဘယ်တစ်ခုမှကိုအာရုံမစိုက်နိုင်သလို ဖြစ်ကောင်းဖြစ်နေပါလိမ့်မယ်။ အဲဒီလိုအခြေအနေမှာ ကိုယ့်ကိုယ်ကိုယ်လည်းစိတ်တိုမိနိုင်သလို အဲဒီအခြေအနေတွေကိုလည်း စိတ်ပျက်မိစေနိုင်ပါတယ်။ တစ်ခါတလေမှာ အီးမေးလ်လေးတစ်စောင်ပို့ပြီး Facebook ၊ Instagram ၊ YouTube အစရှိတဲ့ဆိုရှယ်မီဒီယာတွေပေါ်မှာပဲ အချိန်ဖြုန်းမိတာမျိုးတွေဖြစ်တတ်ပါတယ်။ သူ့အချိန်နဲ့သူအလုပ်တွေကို ပြီးစီးအောင်လုပ်ရမယ်ဆိုပေမဲ့လည်း နောက်ဆုံးပြီးရမယ့်အချိန်ကိုတောင်ဂရုမစိုက်နိုင်ဘဲ အလုပ်ထဲမှာအာရုံမစူးစိုက်နိုင်လောက်အောင်ဖြစ်တတ်ပါတယ်။ အိမ်မှာနေပြီးအလုပ်လုပ်ရတဲ့အခြေအနေမှာ အဲဒီလိုမျိုးအလုပ်မတွင်ကျယ်တာတွေဖြစ်တာတွေက ပိုလို့တောင်ဖြစ်လေ့ရှိပါတယ်။ ကိုယ့်ရဲ့အချိန်တွေကို အကျိုးရှိရှိသူ့အချိန်နဲ့သူအလုပ်တွေပြီးစီးပြီး အနှောက်အယှက်ပေးလေ့ရှိတဲ့အရာတွေက ဘာတွေလဲဆိုတာကိုသိအောင်လုပ်ထားပြီး အဲဒီအရာတွေကိုဘယ်လိုမျိုးစီမံခန့်ခွဲမလဲဆိုတာကို သိဖို့အရေးကြီးပါတယ်။ အဲဒါကြောင့် အခုအောက်မှာပေးထားတဲ့အချက် ၄ ချက်ကိုသေချာလေ့လာကြည့်လိုက်ပါ။

၁။ ပင်ပန်းနွမ်းနွယ်ပြီး အိပ်ရေးပျက်တဲ့အခါ

လေ့လာဆန်းစစ်ချက်တွေအရ အိပ်ရေးပျက်ခြင်းဟာ ဦးနှောက်ရဲ့သိရှိခံစားနိုင်မှုနဲ့ လုပ်ငန်းပိုင်းဆိုင်ရာမှတ်ဉာဏ်တွေပါဝင်တဲ့ သိမြင်လုပ်ဆောင်နိုင်မှုတွေကိုထိခိုက်စေပါတယ်။ လုံလောက်တဲ့အိပ်ချိန်မရရှိခြင်းဟာ ကိုယ့်ရဲ့အာရုံစူးစိုက်မှုကို ပျက်စီးစေပါတယ်။ ဒါဆိုရင် ဘာလုပ်သင့်သလဲ။ အများစုကတော့ အဲဒီလိုအချိန်မှာ ကော်ဖီခွက်အနားကိုပဲအရောက်ပြေးကြမှာပဲ။ အဲဒါဟာ ခဏတာပဲခံပါလိမ့်မယ်။ အဲဒီတော့ ကိုယ့်ရဲ့အလုပ်စားပွဲမှာ ခေါင်းဇောက်ထိုးကျတဲ့အထိအိပ်ငိုက်နေတဲ့အခါမှာ အိပ်ချင်ပြေအောင်ကိုယ့်ရဲ့မျက်နှာကိုတဖြန်းဖြန်းရိုက်နေမယ့်အစား ဟိုနားဒီနားသွားပြီး လမ်းခပ်သွက်သွက်လေးလျှောက်ပါ။ ဒါဆိုရင် ခန္ဓာကိုယ်ထဲမှာရှိတဲ့သွေးတွေပူသွားစေသလို သဘာဝအလင်းရောင်ကိုထိတွေ့လိုက်တာဟာ စိတ်အာရုံကိုလန်းဆန်းစေပါလိမ့်မယ်။ နေ့ဘက်အလင်းရောင်နဲ့ထိတွေ့ခြင်းဟာ အာရုံစူးစိုက်နိုင်စွမ်းနဲ့လုပ်ငန်းလုပ်ဆောင်ရည်ကို တိုးမြှင့်စေနိုင်ပါတယ်။ ဖြစ်နိုင်မယ်ဆိုရင်တော့ မိမိရဲ့အိပ်ချိန်ကိုစနစ်တကျသတ်မှတ်ပြီး ပြည့်ပြည့်ဝဝအနားယူပေးပါ။

၂။ စိတ်ညစ်စရာသတင်းတွေရှိတဲ့အခါ

တစ်ခါတလေမှာလည်း စိတ်ညစ်စရာနဲ့စိတ်ပူပန်စရာအကြောင်းအရာတွေက ကိုယ့်ရဲ့အာရုံစူးစိုက်နိုင်စွမ်းတွေကို အလုပ်ထဲမှာမနှစ်မြှုပ်နိုင်အောင်လုပ်လေ့ရှိပါတယ်။ ဒီနေရာမှာပြောချင်တာက စိတ်ညစ်စရာအကြောင်းအရာဆိုတာ အထက်လူကြီးနဲ့အဆင်မပြေတာတွေ၊ လုပ်ဖော်ကိုင်ဖက်အချင်းချင်းမတည့်တာတွေ အစရှိတဲ့လုပ်ငန်းခွင်စိတ်ဖိစီးမှုတွေကိုပဲ ဆိုလိုတာမဟုတ်ပါဘူး။ အလုပ်အပြင်ကိုယ်ပိုင်ဘဝအသီးသီးရှိတဲ့အတွက်ကြောင့် တစ်ခါတလေမှာ ကိုယ်ပိုင်ဘဝမှာကြုံတွေ့ရလေ့ရှိတဲ့စိတ်ပင်ပန်းစေတဲ့အကြောင်းအရာတွေဟာ အလုပ်ထဲအထိပါလာတတ်ပြီး ကိုယ့်ရဲ့အလုပ်ချိန်တွေကိုပါအနှောက်အယှက်ဖြစ်စေပါတယ်။ အဲဒီအခါမှာ ဘယ်အကြောင်းအရာက ကိုယ့်ကိုစိတ်အနှောက်အယှက်ဖြစ်စေသလဲဆိုတာကို သိအောင်အရင်ဆုံးလုပ်ပါ။ ပြီးရင် မိမိကိုယ့်ကိုယ်ပြန်စုစည်းပြီး စိတ်တည်ငြိမ်အောင်လုပ်ပါ။ ဥပမာ - အသက်ရှုသွင်းရှုထုတ်ကို ၃ မိနစ် ၅ မိနစ်လောက်လုပ်ကြည့်ပါ။ အဲဒီအကြောင်းအရာကို နောက်မှထပ်ပြီးပြန်စဉ်းစားမယ်ဆိုပြီးမှတ်ထားလိုက်ပြီး လုပ်စရာရှိတဲ့အလုပ်တွေအပေါ်အာရုံစိုက်လိုက်ပါ။ အချိန်ခဏကြာတဲ့နောက်မှာ ခုနကစိုးရိမ်ပူပန်နေတဲ့ကိုယ့်ရဲ့စိတ်တွေကခဏအနည်ထိုင်သွားပြီး ပြဿနာကိုပြန်စဉ်းစားတဲ့အချိန်မှာ အာရုံစူးစိုက်မှုအပြည့်နဲ့ ဖြေရှင်းနည်းကိုတွေ့ပါလိမ့်မယ်။

၃။ လုပ်စရာအလုပ်တွေတောင်လိုပုံနေတဲ့အခါ

တစ်ပြိုင်နက်တည်းမှာ အလုပ်တွေအများကြီးကိုလုပ်နေတာဟာ ကိုယ့်ရဲ့အလုပ်ပြီးမြောက်နိုင်စွမ်းကို အနှောက်အယှက်ဖြစ်စေတယ်လို့ ကြားဖူးကြပါလိမ့်မယ်။ တစ်ပြိုင်နက်တည်း အလုပ်တွေအများကြီးလုပ်ဆောင်တာဟာ အမြဲတမ်းမကောင်းတာတော့မဟုတ်ပါဘူး။ ဒါပေမဲ့လည်း ကိုယ့်ရဲ့အာရုံစူးစိုက်မှုကပျက်ပြားနေမယ်ဆိုရင် တစ်ချိန်တည်းမှာ အလုပ်တွေအများကြီးကို မနိုင်မနင်းထမ်းနေတဲ့ပုံဖြစ်နေပါလိမ့်မယ်။ အဲဒီအခါမှာ စိတ်ဖိစီးမှုတွေဖြစ်လာနိုင်ပါတယ်။ စိတ်ဖိစီးမှုဖြစ်စေလောက်တဲ့အထိ အလုပ်တွေကိုတစ်ချိန်တည်းမှာမနိုင်မနင်းလုပ်ချင်းဟာ အများစုအတွက်တော့ ကျင့်သားရနေတဲ့အကျင့်တစ်ခုဖြစ်နိုင်လောက်ပါတယ်။ ဆိုလိုတာကတော့ ဦးနှောက်ကအဲဒါကိုတော်တော်ကျင့်သားရနေပြီး ဘာကိုမှအာရုံမစူးစိုက်နိုင်ဖြစ်နေပါတယ်။ အဲဒီအခါမှာ တစ်ရက်ချင်းစီမှာ ပြီးစီးအောင်လုပ်ရမယ့်အရေးအကြီးဆုံးအလုပ် ၃ ခုကို စာရင်းလုပ်ပါ။ လုပ်စရာအလုပ်တွေအားလုံးကိုချရေးပြီး စာရင်းအရှည်ကြီးလုပ်မယ့်အစား အခုလိုတစ်ရက်စာအလုပ်စာရင်းက ကိုယ့်ကိုပိုပြီးအာရုံစူးစိုက်စေနိုင်ပါတယ်။

၎။ ကိုယ်မကြိုက်တဲ့အလုပ်တွေလုပ်နေတဲ့အခါ

ကိုယ့်ရဲ့အလုပ်မှာစိတ်ပါဝင်စားမှုနဲ့ အာရုံစူးစိုက်မှုမရှိတဲ့အခါမှာ မိမိကိုယ်ကိုယ်ပြန်မေးသင့်ပါတယ်။ အဲဒါကတော့ အခုကိုယ်လုပ်နေတဲ့အလုပ်ဟာ ကိုယ်ကြိုက်တဲ့အလုပ်တစ်ခုဟုတ်ရဲ့လားဆိုတာကိုပေါ့။ ကိုယ့်အတွက် စိတ်အားထက်သန်မှုမဖြစ်စေတဲ့အလုပ် ဒါမှမဟုတ် စိတ်ပျက်ငြီးငွေ့ဖွယ်ကောင်းတဲ့အလုပ်တွေဟာ တစ်ခါတလေမှာ ကိုယ့်ကိုယ်အလုပ်လုပ်ချင်စိတ်တစ်စက်မှမရှိအောင်ကို ဖြစ်စေပါတယ်။ ဒါဆိုရင်တော့ မိမိကိုယ်ကိုယ်ကိုယ် ကြပ်ကြပ်မတ်မတ်ကိုင်တွယ်မှ ဖြစ်ပါတော့မယ်။ သိန္နိဋ္ဌာန်တစ်ခုချပြီး လုပ်ရမယ့်အရာတွေကိုပြီးစီးအောင်လုပ်ဆောင်ဖို့ပါပဲ။ နေ့စဉ် ကိုယ့်ရဲ့ပထမဆုံးအရေးကြီးတဲ့အလုပ်ကို စတင်ပြီးပြီးစီးအောင်လုပ်ဆောင်ဖို့ သိန္နိဋ္ဌာန်ချမှတ်လိုက်ပါ။ အဲဒီအခါမှာ အလုပ်တစ်ခုကိုပြီးစီးအောင်လုပ်လိုက်မိတဲ့အတွက် မိမိကိုယ့်ကိုယ်စိတ်ကျေနပ်မှုနဲ့ စိတ်အားတက်ကြွမှုစေရရှိကောင်း ရရှိနိုင်ပါတယ်။

တကယ်တော့ ကိုယ့်ရဲ့အလုပ်တွေကို တွင်တွင်ကျယ်ကျယ်မပြီးနိုင်အောင်လို့ အနှောက်အယှက်ဖြစ်စေတဲ့အချက်တွေကတော့ အများကြီးပါပဲ။ ဒါပေမဲ့လည်း အထက်မှာဖော်ပြသွားတဲ့နည်းလမ်းတွေကတော့ အနည်းနဲ့အများအထောက်အကူဖြစ်ပါလိမ့်မယ်။ အကယ်၍ အခုလက်ရှိအလုပ်ဟာ ကိုယ်နဲ့မကိုက်ညီတဲ့အတွက်ကြောင့်လည်း အလုပ်ထဲမှာစိတ်ပါဝင်စားမှုမရှိဘဲဖြစ်ကောင်းဖြစ်နေပါလိမ့်မယ်။ ဒါဆို မိမိနဲ့ကိုက်ညီမယ်အလုပ်တစ်ခုကို သေချာပြန်လည်ရှာဖွေပြီး ကိုယ့်ရဲ့အသက်မွေးဝမ်းကြောင်းလုပ်ငန်းကိုပိုမိုတိုးတက်အောင် ပြုလုပ်သင့်ပါတယ်။ အခုလတ်တလော မြန်မာနိုင်ငံရဲ့အလုပ်အကိုင်ဈေးကွက်ထဲမှာ ဘယ်လိုမျိုးထိပ်တန်းကုမ္ပဏီကြီးတွေက ကိုယ်နဲ့ကိုက်ညီနိုင်တဲ့ဘယ်လိုမျိုးအလုပ်တွေကို ခေါ်ယူနိုင်မလဲဆိုတာကိုလေ့လာချင်တယ်ဆိုရင်တော့ ဒီနေရာမှာ အခုပဲဝင်ရောက်လေ့လာကြည့်လိုက်ပါ။