10th November, 2020

အားလပ်ရက်မှာအလုပ်အကိုင်တိုးတက်ဖို့အတွက် နားထောင်လေ့လာစရာ ၅ ခု

အခုဆိုရင် နှစ်ကုန်ပိုင်းကိုရောက်လာပြီဆိုတော့ မြန်မာနိုင်ငံရဲ့ရုံးပိတ်ရက်ရာသီအများဆုံးကာလကို ဝင်ရောက်လာပြီလို့ဆိုနိုင်ပါတယ်။ သီတင်းကျွတ်ပိတ်ရက်၊ တန်ဆောင်တိုင်ပိတ်ရက်၊ ခရစ်စမတ်ပိတ်ရက်နဲ့ နိုင်ငံတကာနှစ်သစ်ကူးရုံးပိတ်ရက်တွေအပြင် နှစ်စဉ်လုပ်သက်ခွင့်ကျန်ရှိသေးတယ်ဆိုရင် အဲဒီခွင့်တွေကိုပါယူလို့ရတဲ့အတွက်ကြောင့် နှစ်တစ်နှစ်ရဲ့နှစ်ကုန်ပိုင်းဟာ ရုံးဝန်ထမ်းသမားတွေအတွက် တကယ်ကိုစောင့်မျှော်နေရတဲ့ကာလပဲဖြစ်ပါတယ်။

တစ်နှစ်လုံးနီးပါး မနက်ကနေညနေအထိ အလုပ်မှာပဲအချိန်တွေကုန်ခဲ့တဲ့အတွက်ကြောင့် နှစ်ကုန်ပိုင်းအားလပ်ရက်တွေမှာ မိသားစုအတွက်အချိန်ပေးချင်တာမျိုး ဒါမှမဟုတ် တစ်နှစ်လုံးလုပ်ဖို့ရည်ရွယ်ထားပြီး မလုပ်ဖြစ်တဲ့အလုပ်တွေကိုလုပ်တာမျိုး (ဥပမာ - တစ်နှစ်လုံးမရှင်းရတဲ့အဝတ်ဗီဒိုနဲ့ အခန်းကိုရှင်းတာမျိုးပေါ့) ဒါမှမဟုတ် မိမိရဲ့အလုပ်အကိုင်လမ်းကြောင်းမှာ အသုံးဝင်မယ့်အရာမျိုးတွေကို (ဥပမာ - Content Writing ၊ Data Visualization) အွန်လိုင်းကနေလေ့လာချင်တာမျိုး ဒါမှမဟုတ် အလုပ်အသစ်ရှာဖွေဖို့အတွက်ပြင်ဆင်တာမျိုး အစရှိတဲ့အစီအစဉ်တွေ အားလုံးနီးပါးမှာရှိကြပါတယ်။ အဲဒါကြောင့် ဒီတစ်ခေါက်ပိတ်ရက်မှာ ကိုယ့်ရဲ့အလုပ်အကိုင်လမ်းကြောင်းတိုးတက်ဖို့ ဘာတွေလေ့လာရင်ကောင်းမလဲဆိုပြီး စဉ်းစားနေသူတွေအတွက် အရမ်းကိုအသုံးဝင်မယ့် Podcast ၅ ခုကို ဖော်ပြပေးချင်ဖြစ်ပါတယ်။

1. Coaching for Leaders

ဒီ Podcast မှာဆိုရင် တကယ်ကိုနယ်ပယ်အစုံကပညာရှင်များစွာရဲ့ ခေါင်းဆောင်မှုပိုင်းဆိုင်ရာနဲ့ စီမံခန့်ခွဲမှုပိုင်းဆိုင်ရာ စိတ်ဝင်စားစရာအကြောင်းအရာတွေကို နားထောင်နိုင်မှာဖြစ်ပါတယ်။ ကိုယ့်ရဲ့အလုပ်မှာ စီမံခန့်ခွဲမှုတာဝန်ကိုယူနေတဲ့သူတွေအတွက် ဒီ Podcast ဟာ ပိုမိုကောင်းမွန်တဲ့ခေါင်းဆောင်စွမ်းရည်တွေကို ညွှန်ပြပေးနိုင်ပါလိမ့်မယ်။

2. Learn Education Discover

စီးပွားရေးလုပ်ငန်းကဏ္ဍအသီးသီးမှာ လက်ရှိလုပ်ကိုင်နေတဲ့လုပ်ငန်းပိုင်းဆိုင်ရာကျွမ်းကျင်သူများရဲ့ အတွေးအမြင်တွေကို လေ့လာနိုင်တဲ့အရင်းအမြစ်တစ်ခုဖြစ်ပါတယ်။ လုပ်ငန်းကဏ္ဍတိုင်းက ဗဟုသုတရစရာသတင်းအချက်တွေကို စုစည်းပြီးမျှဝေပေးထားတာဖြစ်ပါတယ်။

3. The McKinsey Podcast

McKinsey ဆိုတဲ့စာလုံးကိုမြင်တာနဲ့ နိုင်ငံတကာမှာအရမ်းကိုအောင်မြင်တဲ့ စီးပွားရေးအကြံပေးအဖွဲ့အစည်းတစ်ခုဆိုတာကို လုပ်ငန်းခွင်ဝင်ရောက်နေသူတွေသိပြီးသားဖြစ်မှာပါ။ အဲဒီအဖွဲ့အစည်းကနေ ၄င်းတို့ကြုံတွေ့နေရတဲ့စီးပွားရေးလုပ်ငန်းကဏ္ဍအားလုံးက အသိအမြင်ဗဟုသုတတွေကို ဝေမျှပေးထားတဲ့ရတနာသိုက်ကြီးတစ်ခုပဲဖြစ်ပါတယ်။

4. BBC Daily Business

ပိတ်ရက်မှာ မိသားစုအလုပ်၊ အိမ်အလုပ်၊ ကိုယ်ပိုင်အလုပ်တွေနဲ့ အလုပ်ရှုပ်နေတဲ့အခါမှာ တစ်ခါတစ်ရံ ကမ္ဘာတစ်ဝှမ်းမှာဖြစ်ပွားနေတဲ့အကြောင်းအရာတွေ အထူးသဖြင့် စီးပွားရေးဆိုင်ရာသတင်းတွေကို မျက်ခြေမပျက်စေဖို့ဆိုတာ ခက်ခဲပါတယ်။ ဒါဆိုရင်တော့ BBC ကနေ နေ့စဉ်ထုတ်လွှင့်ပေးတဲ့ ဒီ Podcast ဟာ နောက်ဆုံးရသတင်းတွေနဲ့ အမြဲမပြတ်ချိတ်ဆက်ပေးနိုင်သလို အင်္ဂလိပ်လေ့လာဖို့အတွက်အရမ်းကိုအသုံးဝင်ပါတယ်။

5. How I Build This with Guy Raz         

စိတ်ဝင်စားစရာကောင်းပြီး မှတ်သားစရာတွေ စိတ်ကူးအကြံဉာဏ်အသစ်တွေနဲ့ပြည့်နှက်နေတဲ့ အခုေ NPR Podcast မှာဆိုရင် အစီအစဉ်မှူး Guy Raz ကနေ ထိပ်သီးစီးပွားရေးခေါင်းဆောင်တွေကိုအင်တာဗျူးမေးမြန်းပြီး နိုင်ငံတကာနဲ့ဒေသအတွင်းမှာ သူတို့ရဲ့ကုမ္ပဏီအဖွဲ့အစည်းတွေကို ဘယ်လိုမျိုးတိုးတက်လာအောင်ပြုလုပ်ခဲ့သလဲဆိုတာနဲ့ပတ်သက်ပြီး ရှာဖွေတင်ဆက်ထားပါတယ်။

 

Podcast တွေကိုနားထောင်တာဟာ မိမိသိချင်တဲ့အကြောင်းအရာတွေကို အချိန်သီးသန့်ပေးစရာမလိုဘဲ လေ့လာခြင်းတစ်မျိုးပါပဲ။ အိမ်အလုပ်ကိစ္စတွေလုပ်ရင်းနဲ့ပဲဖြစ်ဖြစ် ဒါမှမဟုတ် ကားမောင်းနေတုန်းပဲဖြစ်ဖြစ် နားထောင်နိုင်ပါတယ်။ နောက်ပြီး အခုပြောပြသွားတဲ့ Podcast တွေဟာ English လို့ပြောထားတာဖြစ်တဲ့အတွက် မိမိရဲ့ English စာအကြားစွမ်းရည်ကိုပါလေ့ကျင့်ပြီးသားဖြစ်ပါလိမ့်မယ်။ နောက်ပြီး လာမယ့်အားလပ်ရက်တွေမှာ အပျင်းပြေဇာတ်ကားကြည့်ဖို့စဉ်းစားထားတယ်ဆိုရင်လည်း အလုပ်အကိုင်လမ်းကြောင်းအတွက်ရော ဘဝအတွက်ပါ စိတ်ဓာတ်ခွန်အားဖြစ်စေတဲ့ဇာတ်ကားကောင်းလေးတွေကို ဒီနေရာမှာ လေ့လာကြည့်လိုက်ပါဦး။

သြော်... ဒါနဲ့… လာမယ့်ပိတ်ရက်မှာ ပိုမိုကောင်းမွန်တဲ့အလုပ်အကိုင်အသစ်တွေကိုရှာဖွေဖို့အတွက် စဉ်းစားထားတဲ့သူတွေရှိသေးလား။ ဒါဆိုရင်တော့ အခုနှစ်ကုန်ပိုင်းမှာခေါ်ယူနေတဲ့အလုပ်အကိုင်တွေကို ဒီနေရာမှာ ဝင်ရောက်လေ့လာကြည့်ရှုလိုက်ပါ။ ဒါမှမဟုတ် နှစ်သစ်အတွက်ကိုယ့်ရဲ့ CV ကိုထပ်မံဖြည့်စွက်ဖို့စဉ်းစားထားတယ်ဆိုရင် ဒီနေရာမှာနှစ်သစ်အတွက် CV ရေးနည်းတွေကို သေချာလေ့လာနိုင်ပါတယ်။