24th December, 2018
အလုပ်လျှောက်ဖို့ အကောင်းဆုံးအချိန်
ခရစ်စမတ်နဲ့ နှစ်သစ်ကူးရုံးပိတ်ရက်တွေဟာ အလုပ်လျှောက်လို့အကောင်းဆုံးအချိန်လို့ပြောလိုက်ရင် အံ့သြသွားကြမလား?
မယုံမရှိပါနဲ့ အဲဒီပိတ်ရက်တွေက တကယ်ကိုအလုပ်လျှောက်လို့အကောင်းဆုံးရက်တွေပါ…
ဘာဖြစ်လို့လဲဆိုတော့ အဲဒီအချိန်တွေမှာ လူအများစုက အားလပ်ရက်အပန်းဖြေခရီးထွက်တာတို့ ဒါမှမဟုတ် မိသားစုနဲ့အချိန်ပေးပြီး နားနားနေနေ နေကြတာတို့ ဒါမှမဟုတ် ပိတ်ရက်တွေမှာ ဘယ်ကုမ္ပဏီကမှ အလုပ်မခေါ်ကြပါဘူး ဆိုတဲ့အတွေးနဲ့ အလုပ်လျှောက်တဲ့သူတွေ နည်းပါတယ်။
ဒီဇင်ဘာလမှာ အလုပ်ပိတ်ရက်တွေအများကြီးရှိပေမဲ့ အလုပ်တွေသိပ်မခေါ်ဘူးဆိုတာတော့ မဟုတ်ပါဘူး။ တကယ်တမ်းတော့ နှစ်တစ်နှစ်ရဲ့ နောက်ဆုံးလတွေ ဒါမှမဟုတ် နှစ်ဦးပိုင်းတွေမှာ အလုပ်အခေါ်ဆုံး အချိန်တွေပါ။ ဘာဖြစ်လို့လဲဆိုတော့ တချို့ကုမ္ပဏီတွေက နှစ်အလိုက်စီမံချက်တွေနဲ့ သွားတဲ့အတွက်ကြောင့် တစ်နှစ်စာ စာချုပ်ချုပ်ဆိုပြီး အလုပ်ခေါ်ယူလေ့ရှိကြပါတယ်။ နှစ်ကုန်ခါနီး စီမံချက်လည်းပြီး စာချုပ်လည်း သက်တမ်းပြည့်တဲ့အခါမှာတော့ နောက်နှစ်အတွက် အသစ်အသစ်သော စီမံချက်တွေအတွက် လူအသစ်တွေလည်း ထပ်မံခေါ်ယူလေ့ရှိသလို လစ်လပ်သွားတဲ့နေရာအတွက်လည်း အလုပ်ခေါ်ယူလေ့ရှိကြပါတယ်။ ဒါကြောင့် ကုမ္ပဏီတွေအများစုက ခရစ်စမတ်နဲ့ နှစ်သစ်ကူးရုံးပိတ်ရက်မတိုင်ခင်မှာ လိုအပ်နေတဲ့အလုပ်တွေနဲ့ လစ်လပ်ရာထူးနေရာတွေကို ကြေညာလေ့ရှိပြီး ရုံးပြန်ဖွင့်တဲ့အချိန်မှာတော့ ပိတ်ရက်မှာလျှောက်ထားတဲ့ လျှောက်လွှာတွေကို စီစစ်အကဲဖြတ်ပြီး အလုပ်ခေါ်ယူမှုတွေ စတင်ပါတယ်။
ဒါဆို ဒီအခွင့်အရေးကိုလက်လွတ်မခံဘဲနဲ့ ကိုယ့်ရဲ့ပြိုင်ဘက်တွေ အေးအေးဆေးဆေးနဲ့ မေ့လျော့နေတဲ့အချိန်မှာ အလုပ်လျှောက်လို့ရအောင်လို့ JobNet.com.mm ကနေ ခရစ်စမတ်ကာလအတွင်း ခေါ်ယူမှုအများဆုံးနဲ့ ရေပန်စားနေတဲ့အလုပ်အကိုင်တွေကို ဖော်ပြပေးလိုက်ပါတယ်။
1. Sales and Business Development
2. Marketing/ Media/ Creative
3. IT Hardware/ Software
4. Accounting and Finance
5. Engineering and Technical
6. Administration
7. HR Training and Recruitment
8. Manufacturing and warehouses
9. Customer Service Support
10. Logistics Distribution Fleet
ပိုပြီးစုံလင်တဲ့ အလုပ်အကိုင်တွေကိုလည်း ဒီနေရာမှာ ၀င်ရောက်ကြည့်ရှု နိုင်ပါတယ်။